خۆت لێ نه‌گۆڕێ گه‌ر بوویته‌ گه‌وره‌
مه‌شهوره‌ دنیا به‌ پێچ و ده‌وره‌

ASZ◙ ◙ ◙ ◙ASZ

پیاو كارێك بكا كه‌ پێی بوه‌ستێ
دوو شوتی هه‌ڵناگیرێ به‌ ده‌ستێ

ASZ◙ ◙ ◙ ◙ASZ

گه‌ر به‌ درۆزن ناوبانگت ڕۆیی
بێنرخی له‌لای بێگانه‌ و خۆیی

ASZ◙ ◙ ◙ ◙ASZ

به‌و كه‌سه‌ ده‌كرێ بڕوا و مه‌تمانه‌
پابه‌ندی وه‌فاو عه‌هدو په‌یمانه‌

ASZ◙ ◙ ◙ ◙ASZ

سوور نه‌بی له‌سه‌ر وه‌عده‌ و به‌ڵێنی
گه‌نجی دونیات بێ، پووشێك ناهێنی

ASZ◙ ◙ ◙ ◙ASZ

ئه‌وه‌ی له‌ پووشێك نه‌كۆڵێته‌وه‌
لۆده‌ كای به‌رن، ناپرسێته‌وه‌

ASZ◙ ◙ ◙ ◙ASZ

به‌س له‌مه‌ زیاتر خۆت گێل و كه‌ڕ كه‌!
ئه‌و ماسته‌ بێ موو نییه‌، باوه‌ركه‌!

ASZ◙ ◙ ◙ ◙ASZ

خۆشباوه‌ڕ نه‌بی به‌و حه‌دده‌ چاكه‌
ئه‌و هه‌ویره‌ ئاو زۆر ده‌با كاكه‌!

ASZ◙ ◙ ◙ ◙ASZ

قه‌ل ئه‌ڵێن لاسای كه‌وی كرده‌وه‌
ڕۆینه‌كه‌ی خۆیشی له‌بیر برده‌وه‌

 
ASZ◙ ◙ ◙ ◙ASZ

قه‌ت مه‌ڵێ بوومان، بێژه‌ هه‌مانه‌!
نان ئه‌و نانه‌یه‌ ئه‌مڕۆ له‌ خوانه‌

ASZ◙ ◙ ◙ ◙ASZ

ئه‌و كه‌سه‌ دۆستی گیانیگیانیته‌
هاوڕێی نه‌بوونی و لێقه‌وماویته‌

ASZ◙ ◙ ◙ ◙ASZ

كێ باسی خه‌ڵكی كرد به‌لاته‌وه‌
بۆ ئه‌وان قسه‌ی تۆش ئه‌باته‌وه‌!

ASZ◙ ◙ ◙ ◙ASZ

پرس و ڕات نه‌بێ، ئیشت له‌ پاشه‌
سه‌ری بێده‌لاك نه‌تاشی باشه‌

ASZ◙ ◙ ◙ ◙ASZ

گێره‌ چۆن ده‌كرێ به‌ بزن، هه‌ژار؟
گاجووتی ده‌وێ و پیاوی كۆنه‌كار


ASZ◙ ◙ ◙ ◙ASZ

هه‌ڵه‌ چاوپۆشی لێ ده‌كرێ، به‌ڵام
جارێك و دوو جار، نه‌كو به‌رده‌وام

ASZ◙ ◙ ◙ ◙ASZ

خۆی له‌بۆ ڕاوچی ده‌كووژێ تاژی
تا كه‌رێ نه‌بێ، عاقڵێ ناژی

ASZ◙ ◙ ◙ ◙ASZ

به‌ تووند و تیژی كار نابێ مه‌یسه‌ر
مار به‌ قسه‌ی خۆش له‌ كون دێته‌ ده‌ر

ASZ◙ ◙ ◙ ◙ASZ

 
نه‌مدیوه‌ له‌ ئاش گه‌رمتر كاسه‌
مه‌گه‌ر له‌ژێریا هه‌بێ نیوكاسه‌

ASZ◙ ◙ ◙ ◙ASZ

ڕێژنه‌بارانه‌ یا ڕه‌شه‌بایه‌
هه‌ر عومری به‌فر به‌ بای فه‌نایه‌

ASZ◙ ◙ ◙ ◙ASZ

هه‌ڵه‌ و له‌بیرچوون جارو بارێكه‌
ده‌ڵێن هه‌ر عه‌ قڵه‌ی له‌ خه‌سارێكه‌

ASZ◙ ◙ ◙ ◙ASZ

دۆستت تا نه‌بێ وه‌ك خۆت دڵ به‌ كوڵ
بۆی هه‌ڵمه‌ڕێژه‌ خێرا كیسه‌ی دڵ!

ASZ◙ ◙ ◙ ◙ASZ

تا ئه‌و نه‌سووتێ بۆ تۆ هه‌ناوی
هه‌ڵمه‌قرچێنه‌ جه‌رگت له‌تاوی

ASZ◙ ◙ ◙ ◙ASZ

به‌ كاكه‌كاكه‌ هات به‌ لامه‌وه‌
بوو به‌ سوججه‌مار، دای به‌ پامه‌وه‌

ASZ◙ ◙ ◙ ◙ASZ

وایان فه‌رمووه‌ قه‌دیمی دڵپاك
سوار هه‌تا نه‌گڵی، نابێ به‌ سوارچاك

ASZ◙ ◙ ◙ ◙ASZ

 
شه‌ڕنه‌كه‌ر پیشه‌ی زوو دانیشتنه‌
به‌ردی زل به‌ڵگه‌ی نه‌هاویشتنه‌

ASZ◙ ◙ ◙ ◙ASZ

 
هێندێ كه‌س ئازاو ڕژدن له‌ شه‌ڕێ
هه‌تاكو لێیان وه‌ڕاست ده‌گه‌ڕێ

ASZ◙ ◙ ◙ ◙ASZ

عه‌تر ده‌بێ خۆی بۆن بدا كاكه‌!
نه‌ك عه‌تار بڵێ زۆر عه‌تری چاكه‌

ASZ◙ ◙ ◙ ◙ASZ

سا بێ سكی خۆت مه‌دڕه‌ له‌ داخا
كێ مرد و كێی‌تر ما له‌ وه‌جاخا

ASZ◙ ◙ ◙ ◙ASZ

كه‌سێ خۆی له‌لا گه‌وره‌ و گرانه‌
نه‌چێته‌ پێستی خه‌ڵكه‌وه‌ جوانه‌

ASZ◙ ◙ ◙ ◙ASZ

هه‌موو كه‌س نه‌كا به‌م په‌نده‌ بڕوا
هه‌چی با هێنای، هه‌ر به‌ با ئه‌ڕوا

ASZ◙ ◙ ◙ ◙ASZ

مه‌یهاوێ سه‌ر من هه‌رچی خه‌تایه‌
ده‌ستێك به‌ته‌نیا ته‌قه‌ی لێنایه‌

ASZ◙ ◙ ◙ ◙ASZ

خه‌یاڵ خه‌زێنه‌ی به‌ كه‌س نه‌داوه‌
زێڕ بۆ دینه‌وه‌، خه‌یاڵپڵاوه‌

ASZ◙ ◙ ◙ ◙ASZ

كه‌ری دێز ده‌كا حه‌ز به‌ تۆپینێ
تاكو خاوه‌نی زه‌ره‌ر ببینێ

ASZ◙ ◙ ◙ ◙ASZ

 
به‌سمان به‌سه‌ردا لێده‌ گیزو فیز!
پێوه‌دان خۆشه‌ نه‌وه‌ك ویزه‌ویز

ASZ◙ ◙ ◙ ◙ASZ

ئه‌مه‌ش نه‌قڵێكی له‌مێژ و كۆنه‌
پاداران بگره‌، بێ پا ئێخۆنه‌!

ASZ◙ ◙ ◙ ◙ASZ

له‌ ترس و خۆفی ماری به‌دكردار
له‌په‌نا ئاور خۆم داوه‌ حه‌شار

ASZ◙ ◙ ◙ ◙ASZ

ده‌ستی ته‌ماحت هێنده‌ پان مه‌كه‌!
خاوه‌نی كه‌ره‌م په‌شێمان مه‌كه‌!

ASZ◙ ◙ ◙ ◙ASZ

ژووشك به‌ فه‌خری خۆی ده‌ڵی ڕۆڵه‌
بێچووی كێ به‌قه‌ت تۆ نه‌رم و نۆڵه‌

ASZ◙ ◙ ◙ ◙ASZ

له‌ چاوی خۆتا نابینی گاسن!
سووژن ده‌بینی له‌نێو چاوی من

ASZ◙ ◙ ◙ ◙ASZ

كه‌چه‌ڵ ده‌رمانكه‌ر بوایه‌ بێگومان
له‌ پێشا سه‌ری خۆی ده‌كرد ده‌رمان

ASZ◙ ◙ ◙ ◙ASZ

ئه‌گه‌ر لێگه‌ڕێ شۆفاری به‌دفه‌ڕ
ئاو ده‌خواته‌وه‌ گورگ له‌گه‌ڵ مه‌ڕ

ASZ◙ ◙ ◙ ◙ASZ

وتیان به‌ ڕێوی شاهیدت كێیه‌؟
وتی كلـكی خۆم، باوه‌ڕم پێیه‌

ASZ◙ ◙ ◙ ◙ASZ

چكۆله‌ترین كرده‌وه‌ی ئینسان
له‌ سه‌د قسه‌ی زل باشتره‌ دیسان