˜       له‌ کاتی نوێژی شێوان بوو ، گه‌یشتم پێی وتم رۆژ باش

      به‌ غه‌مزه‌ و ره‌خنه‌وه‌ فه‌رمووی غروبه‌، نۆێژی شێوانه‌

     وتم گیانم فیدای گیانت که‌ رۆژی رووت له‌ من ده‌رکه‌وت

      جه‌هانی وا له‌ من روون کرد که‌ وام زانی تلوعانه‌         (نالی)-----   ASZ

˜        سه‌ر که‌ جۆشێکی نه‌بێ من زرکه‌ تاڵم بۆ چیه‌؟

                      دڵ که‌ هۆشێکی نه‌بێ  شیشه‌ی به‌تاڵم بۆچیه‌؟     (مه‌حوی) -----   ASZ

˜         که‌ خاکی، خاکی دامن به‌ وه‌گه‌رنه‌ تۆزی به‌ر بادی

                         که‌ ئاوی ئاوی گه‌وهه‌ر به‌ ، وه‌گه‌رنه‌ بڵقی سه‌ر ئاوی   (نالی) -----   ASZ

˜        به‌ په‌ل په‌ل بوونی سبحه‌ینێ ئه‌گه‌ر ببوایه‌ باوڕیان

ده‌بوو قه‌د به‌م حه‌ده‌ نه‌بوایه‌ بۆدونیا په‌له‌ی مه‌خلووق

به‌ ئاوێ تێگه‌یشتین ئێمه‌ دونیا هه‌ر سه‌رابێ بوو

هه‌موو ده‌شچن به‌ خنکانوو له‌ وشکیشه‌ مه‌له‌ی مه‌خلووق

له‌ سوقی ده‌هردا دوکانی هه‌ر که‌س موودده‌تی عومره‌

گه‌وهه‌ردانه‌ به‌ پشکه‌ڵ دانه‌ مه‌حوی مامه‌ڵه‌ی مه‌خلووق    (مه‌حوی) -----   ASZ

منبع: وبلاگ طلوع دوباره

گوڵبژێرێك له په‌ندی پێشینانی ده‌رهاتوو له‌كتێبی دیاری مه‌هاباد

نووسینی مه‌لاغه‌فووری ده‌بباغی

گوڵبژێرێك له په‌ندی پێشینانی ده‌رهاتوو له‌كتێبی دیاری مه‌هاباد

نووسینی مه‌لاغه‌فووری ده‌بباغی

بۆ ئیشی بچوك، قه‌ت تێمه‌كۆشه‌
گۆم هه‌تا قووڵ بێ بۆ مه‌له‌ خۆشه‌

 ASZ◙ ◙ ◙ ◙ASZ

ئه‌گه‌ر قسه‌ی حه‌ق له‌ من ده‌پرسی
تێر ئاگای نییه‌ هه‌رگیز له‌ برسی

ASZ◙ ◙ ◙ ◙ASZ

به‌و كه‌سه‌ ده‌ڵێن عاقڵ و وشیار
دو جار له‌ جێیه‌ك پێوه‌ی نه‌دا مار

ASZ◙ ◙ ◙ ◙ASZ

ئاوری بن كایه‌، بۆسۆی لێنایه‌

دزی خۆماڵی له‌ گرتن نایه‌

ASZ◙ ◙ ◙ ◙ASZ

ئه‌گه‌ر بكه‌ویه‌ به‌ر هه‌ڵمه‌تی شێر

قه‌ت په‌نا نه‌به‌ی بۆ ڕێوی بێخێر!

ASZ◙ ◙ ◙ ◙ASZ

وه‌ختێك ئه‌زانی مانای حه‌وسه‌ڵه‌

به‌ كه‌وچكه‌ ئاوی نه‌كه‌ویه‌ مه‌له‌!

ASZ◙ ◙ ◙ ◙ASZ

میوان نایه‌وێ سفره‌ت ڕه‌نگین بێ!

نانت جۆیین بێ و خوڵقت گه‌نمین بێ!

ASZ◙ ◙ ◙ ◙ASZ

بۆ ئه‌م نه‌زیلـه‌ش گوێ ڕابدێره‌

چێشتی پڕ كابان، بێخوێ یا سوێره‌

ASZ◙ ◙ ◙ ◙ASZ

كه‌سێ نه‌گبه‌تی بێته‌ سه‌ر شانی

په‌ڵووڵه‌ بخوات، ده‌شكی ددانی

ASZ◙ ◙ ◙ ◙ASZ

حه‌زده‌كه‌ی دوور بی له‌ گێره‌ و كێشه‌

به‌قه‌د به‌ڕه‌ی خۆت پێ ڕابكێشه‌!

 ASZ◙ ◙ ◙ ◙ASZ

ئاوت خوارده‌وه‌ جارێك له‌ كانی

به‌ردی تێ مه‌خه‌، خۆ تۆ ئینسانی

ASZ◙ ◙ ◙ ◙ASZ

پیاو به‌ خزم و دۆست ده‌بێ كۆڵه‌وار

ناقه‌ڵشێ، هۆره‌ له‌ خۆی نه‌بێ دار

ASZ◙ ◙ ◙ ◙ASZ

له‌گه‌ڵ ئه‌م بیرو باوه‌ڕه‌ چۆنی؟

ده‌ڵێن چێشتی خۆش دیاره‌ به‌ بۆنی!

ASZ◙ ◙ ◙ ◙ASZ

بیستوومه‌ پارو له‌ زار بكه‌وێ

بۆ كۆش چاكتره‌، نه‌ك ئێره‌و ئه‌وێ

ASZ◙ ◙ ◙ ◙ASZ

له‌ قه‌دیمه‌وه‌ ئه‌م قسه‌ قاوه‌:

” كوێر هه‌تا ده‌مرێ، به‌ته‌مای چاوه‌”

ASZ◙ ◙ ◙ ◙ASZ

ئه‌مه‌ش فه‌رموده‌ی قه‌دیمیه‌كانه‌

به‌رد له‌ جێگای خۆی قورس و گرانه‌

ASZ◙ ◙ ◙ ◙ASZ

له‌ شارو لادێ ئه‌م نه‌قڵه‌ باوه‌

گیای شین به‌ جێگای سه‌خته‌وه‌ ماوه‌

ASZ◙ ◙ ◙ ◙ASZ

دووڕوو هه‌روایه‌ پیشه‌و ڕه‌فتاری

هه‌م له‌ ناڵ ئه‌دات، هه‌م له‌ بزماری

ASZ◙ ◙ ◙ ◙ASZ

قه‌دیمی ده‌ڵێن بۆ ده‌سته‌وستان

هیچ فه‌رقی نییه‌ گه‌رمێن و كوێستان

ASZ◙ ◙ ◙ ◙ASZ

ڕه‌نگه‌ ده‌رنه‌چی له‌ ئیمتیحانم

ئه‌گه‌ر عه‌یبی تۆ ته‌واو بزانم!

ASZ◙ ◙ ◙ ◙ASZ

عه‌یبه‌كانی خۆت بێته‌ به‌ر چاوی

ڕه‌وا نابینی به‌ كه‌س به‌دناوی

ASZ◙ ◙ ◙ ◙ASZ

مه‌شهووره‌ ده‌ڵێن خزم به‌ ددان

گۆشتیشت بخوا، ناشكێنێ ئێسقان

ASZ◙ ◙ ◙ ◙ASZ

هه‌ر خوویه‌ك مرۆ گرتی به‌ شیری

بۆی ته‌رك نابێ زه‌مانی پیری

ASZ◙ ◙ ◙ ◙ASZ

برا گیان هێشتا ئه‌سپ نه‌كڕاوه‌

ئاخوڕ هه‌ڵبه‌ستن، خه‌یاڵی خاوه‌

ASZ◙ ◙ ◙ ◙ASZ

گۆشتخۆرن هه‌موو ده‌عبای ئه‌م ناوه‌

كه‌چی هه‌ر ناوی گورگ به‌دناوه‌

ASZ◙ ◙ ◙ ◙ASZ

قه‌ت له‌ شوێن چووان نه‌چیه‌وه‌ چاكه‌

به‌س لێرو له‌وێ كای كۆن به‌ با كه‌!

ASZ◙ ◙ ◙ ◙ASZ

ئاو بتبا مه‌چۆ سه‌ر پردی نامه‌رد

چش با بخنكێی به‌ سه‌د ئێش و ده‌رد

ASZ◙ ◙ ◙ ◙ASZ

شوان ده‌ڵێن شوانیی پێ ئیفتیخاره‌

نانچنینه‌وه‌ی لا عه‌یب و عاره‌

ASZ◙ ◙ ◙ ◙ASZ

مریشك بۆخۆی وه‌سه‌ر نه‌كا خۆڵ

ناكری به‌ سه‌ریا به‌ هیچ شان و قۆڵ

ASZ◙ ◙ ◙ ◙ASZ

سه‌رباری خه‌ڵكه‌ ته‌نبه‌ڵی بێخێر

ده‌ستی ماندووه‌ له‌سه‌ر زگی تێر

ASZ◙ ◙ ◙ ◙ASZ

ئه‌و ڕۆژه‌ هه‌ر دێ سه‌ركه‌وی له‌ كه‌ل

به‌و مه‌رجه‌ به‌جێ نه‌مێنی له‌ گه‌ل

ASZ◙ ◙ ◙ ◙ASZ

وا مه‌شهوره‌ شوان هه‌تا بخه‌وێ

مه‌ڕه‌كه‌ی زیاتر لێ دورر ئه‌وه‌وێ

ASZ◙ ◙ ◙ ◙ASZ

نانێ ڕۆژ په‌یدا بكه‌ و نانێ شه‌و

هه‌ڵمه‌گره‌ هه‌رگیز منه‌ت له‌م و له‌و

ASZ◙ ◙ ◙ ◙ASZ

شوێن بۆ سه‌ر پیشه‌ی خۆی ده‌چێته‌وه‌

گیا له‌سه‌ر پنجی خۆی ده‌ڕوێته‌وه‌

ASZ◙ ◙ ◙ ◙ASZ

ڕووبه‌ڕوو ده‌بی له‌گه‌ڵ ژینی تاڵ

چونكی به‌ خه‌یاڵ كه‌س نه‌بووه‌ به‌ ماڵ

ASZ◙ ◙ ◙ ◙ASZ

پشیلـه‌ ده‌می بۆ دووگ نه‌ده‌چوو

ده‌یگوت پێم ناخوری، چه‌ند سوێره‌ په‌ككو

ASZ◙ ◙ ◙ ◙ASZ

سه‌گ ئه‌گه‌ر نه‌مرێ له‌ قه‌سابخانه‌

لێی زایه‌ ده‌بێ ئه‌و عومره‌ جوانه‌

ASZ◙ ◙ ◙ ◙ASZ

برا وا چاكه‌ نه‌یكه‌یه‌ لایی

برامان برایی، كیسه‌مان جیایی

ASZ◙ ◙ ◙ ◙ASZ

كاكه‌ زۆر بۆلای خۆتی مه‌تاشه‌

نه‌ شیش بسووتێ، نه‌ كه‌باب باشه‌

ASZ◙ ◙ ◙ ◙ASZ

مار خۆشی نه‌هات له‌ سیری بێعار

له‌به‌ر كونه‌كه‌ی شین ده‌بوو به‌ بار

ASZ◙ ◙ ◙ ◙ASZ

ئه‌و كه‌سه‌ی ڕاسته‌ و حیسابی پاكه‌

له‌ حیسابكێشان بێ ترس و باكه

‌

ASZ◙ ◙ ◙ ◙ASZ

له‌ چاكه‌ی كه‌می زاڵم مه‌تۆره‌

موویه‌ك له‌ به‌راز بێته‌وه‌ زۆره‌

ASZ◙ ◙ ◙ ◙ASZ

ناشكوری مه‌كه‌ به‌م به‌شه‌ كاكه‌

له‌ قوڕ ئه‌وه‌نده‌ تۆز هه‌ستێ چاكه‌

ASZ◙ ◙ ◙ ◙ASZ

مه‌شهوره‌ بزن بۆ تاقه‌ شه‌وێ

جێگای خۆش ده‌كا له‌ كوێ وه‌ركه‌وێ

ASZ◙ ◙ ◙ ◙ASZ